日本原創1秒變櫈．隨身攜帶的休憩站！
一世人流流長，總會遇上拎重嘢嘅時候──當你買餸、搬嘢、工幹以至自由行，拎住一大堆嘢仲要行好遠路，喺呢個moment，最好有一件隨時變櫈畀你坐低休息嘅神器……咦，你咪係講緊Swany Walking Bag囉？！
「步行袋」最大賣點，係手柄巧妙藏有摺疊式椅架，只需一按，拉起椅板即可變櫈！收櫈時掣都唔洗㩒，只需輕輕一推椅底機關，非常方便。唔好以為成個袋設計到咁輕巧、可以hand carry上飛機，估唔到坐落去非常穩陣！翻查資料，原來張櫈可載重100kg，小朋友扭計唔肯排隊時可以叫佢坐低；買畀屋企姐姐，陪老人家飲茶順便買餸亦非常實用。
▲ 小編實測試坐，座位雖然小巧，但坐落非常穩陣！拉高手柄，仲可當椅背挨一挨。
▲ 原創彎曲手柄，向外傾平衡重心，於平地步行時可以借力；把手特闊，更易抓緊。
▲ 所有Walking Bag尺寸符合航空公司手提行李規定，可以攜帶上機，差旅首選。
由力的細節出發．為生活給力
除咗可以變身，Walking Bag各個細節都非常實用：
（一）原創彎曲手柄，以袋內物件作為平衡重心，方便行走平路時借力。
（二）360°旋轉靜音車輪，活動流暢寧靜；另設可鎖輪型號，一按掣即可鎖定四輪。
（三）袋子可與車架分離、當作獨立手袋使用，迎合你不同行程所需。
（四）袋身採用輕盈柔韌的跣水物料，間隔特多，實用之餘不失時尚，出席各種場合皆宜。
Swany Walking Bag「步行袋」呢個完美設計，源自高級顧問三好鋭郎本身嘅需求。三好先生因小兒麻痺後遺症而行動不便，經常周圍飛嘅佢，1964年出差紐約時發現一個有轆嘅袋，由此啟發設計出Swany Walking Bag，成為品牌熱賣產品。
